Turkiya parlamenti mamlakatdagi favqulodda holat tartibini yana uch oyga uzaytirish haqidagi qaror qabul qildi. Bu haqda “Gazeta.ru” xabar bermoqda.
Avvalroq Turkiya bosh vaziri o‘rinbosari No‘mon Kurtulmush hukumat mamlakatdagi favqulodda holat tartibini yana uch oyga uzaytirish haqida parlamentga so‘rov yuborganini ma’lum qilgan edi.
Turkiyada favqulodda holat tartibi 2016-yil iyulida yuz bergan muvaffaqiyatsiz harbiy to‘ntarishdan so‘ng joriy etilgan edi.
Turkiya prezidenti Rajab Toyyib Erdo‘g‘on harbiy to‘ntarishda qatnashganlarga qarshi samarali kurash olib borish maqsadida favqulodda holat tartibi joriy etilishini e’lon qilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)