Suriyaning Idlib viloyatidan evakuatsiya qilinayotgan aholini olib ketayotgan avtobuslar oldida terrorchilar portlash uyushtirdi. Bu haqda “Kommersant” xabar bermoqda.
Reuters xabariga ko‘ra, hodisa Rashidin tumanida yuz bergan; bu yerda avtobuslar belgilangan manzil — Jibrindagi qochoqlarni vaqtincha saqlash markaziga ketayotgan vaqtida bir muddatga to‘xtagan edi.
Xabar berishlaricha, portlash oqibatida 16 kishi halok bo‘lgan. “RIA Novosti” manbasi bergan axborotiga ko‘ra, portlash mashina ichidagi terrorchi-xudkush o‘zini portlatib yuborishi oqibatida yuz bergan.
Viloyat aholisi hukumat armiyasi va qurolli muxolifat vakillari o‘rtasidagi mintaqaviy sulh kelishuvi doirasida evakuatsiya qilinayotgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)