Суриянинг Идлиб вилоятидан эвакуация қилинаётган аҳолини олиб кетаётган автобуслар олдида террорчилар портлаш уюштирди. Бу ҳақда «Коммерсантъ» хабар бермоқда.
Reuters хабарига кўра, ҳодиса Рашидин туманида юз берган; бу ерда автобуслар белгиланган манзил — Жибриндаги қочоқларни вақтинча сақлаш марказига кетаётган вақтида бир муддатга тўхтаган эди.
Хабар беришларича, портлаш оқибатида 16 киши ҳалок бўлган. «РИА Новости» манбаси берган ахборотига кўра, портлаш машина ичидаги террорчи-худкуш ўзини портлатиб юбориши оқибатида юз берган.
Вилоят аҳолиси ҳукумат армияси ва қуролли мухолифат вакиллари ўртасидаги минтақавий сулҳ келишуви доирасида эвакуация қилинаётган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)