Ispaniyaning “Barselona” klubini yirik hisobda mag‘lub etgan Turinning “Yuventus” klubi uy uchrashuvlari borasidagi statistikani yanada yaxshilab oldi.
“Sports.ru”ning qayd etishicha, “keksa senyora” o‘z maydonida ketma-ket 48 o‘yindan buyon mag‘lub bo‘lmaydi. Massimiliano Allegri shogirdlari qatorasiga 16 ta o‘yindan buyon “Yuventus” arenasida raqiblarini mag‘lub etib kelmoqda. Bunda barcha turnirlar qo‘shib hisoblangan.
Mag‘lub bo‘linmagan 48 ta o‘yinning 42 tasida “Yuventus” raqiblarini taslim qilgan. Qolgan 6 tasida esa durang o‘ynagan.Janluiji Buffon
“Yuventus”ning 39 yoshli darvozaboni esa Chempionlar ligasining shu mavsumida o‘zidan kichik barcha darvozabonlar uchun o‘rnak bo‘lmoqda. “Barselona”ga qarshi o‘yindan keyin uning shu mavsum xalqaro maydondagi quruq o‘yinlari seriyasi 7 taga yetdi.
“Yuventus” guruh bosqichida jami 6 ta o‘yinda ishtirok etdi, pley-offda esa “Portu” bilan ikki marta, “Barselona” bilan bir marta to‘qnash keldi. Jami 9 ta o‘yinning 7 tasida gol o‘tkazib yubormaslik esa har qanday darvozabon havas qilishi mumkin bo‘lgan natijadir.
Izoh (0)