“Ostona EKSPO-2017” MK AJ boshqaruv raisi Axmetjan Yesimov Shanxay hamkorlik tashkiloti bosh kotibi Rashid Alimov bilan uchrashdi. Bu haqda ko‘rgazma tashkilotchisi matbuot xizmati ma’lum qildi, deb yozadi Kazakhstan Today.
Tomonlar Ekspo-2017 ga tayyorgarlik jarayoni, shuningdek, Ekspo-2017 ochilish kuni Qozog‘iston poytaxtida o‘z ishini olib boruvchi Shanxay hamkorlik tashkilotiga a’zo davlatlar rahbarlarining sammitini muhokama qildi.
“ShHTning mazkur sammiti tarixiy bo‘ladi. Uning o‘ziga xos jihati shundaki, 9-iyun kuni kechqurun Ostonada boshqa, yanada kuchli tashkilotga ega bo‘lamiz”, — deya ta’kidladi Alimov.
Milliy kompaniya ShHTning ko‘rgazma doirasidagi maxsus kuni 27-avgust sanasida bo‘lib o‘tishini ma’lum qildi.
Xalqaro ixtisoslashtirilgan ko‘rgazma Ostona shahrida 2017-yilning 10-iyunidan 10-sentabriga qadar bo‘lib o‘tadi. Besh milliondan ortiq tashrif buyuruvchi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)