Pxenyanning so‘nggi raketa sinovlari munosabati bilan KXDRga qarshi zarba berish uchun Janubiy Koreya qo‘shinlari to‘liq jangovar shaylik holatiga keltirildi, deb yozadi “Korrespondent.net” Koreya Respiblikasi qurolli kuchlari shtab boshliqlarining birlashgan qo‘mitasiga tayanib.
Uning ma’lumotlariga ko‘ra, Janubiy Koreya qo‘shinlari “Shimolning har qanday provokatsiyasiga zudlik bilan javob qilish uchun to‘liq jangovar shaylikda turibdi”.
“Bizning qurolli kuchlarimiz Shimoliy Koreyaning yadro va raketa tahdidlarini tiyish va ularga javob qilish qobiliyatlarini kuchaytirishda davom etadi hamda ogohlantiradiki, bemulohaza provokatsiyalar Shimoliy Koreya rejimining vayron bo‘lishiga olib keladi, xolos”, — deyiladi birlashgan qo‘mita bayonotida.
Avvalroq Shimoliy Koreya, dastlabki ma’lumotlarga ko‘ra, o‘rta masofaga uchuvchi KN-15 ballistik raketasini uchirgani xabar berilgan edi.
Izoh (0)