Serbiyadagi prezidentlik saylovlarida g‘olib chiqqan mamlakat bosh vaziri Aleksandr Vuchich Rossiya prezidenti Vladimir Putin va Germaniya kansleri Angela Merkelga minnatdorlik bildirdi. Bu haqda “RBK” xabar bermoqda.
“Saylovlargacha 15 kun qolgani haqida ogohlantirganimga qaramay men bilan muzokaralar olib borgan Angela Merkel va Vladimir Putinga alohida minnatdorlik bildirmoqchiman. Ular Serbiya haqida yaxshi fikrda, men haqimdagi taassurotlari ham yomon emas”, — deya ta’kidladi Vuchich.
Serbiyaning RTS telekanaliga ko‘ra, Vuchich Xitoy va Rossiya bilan do‘stona munosabatlarni rivojlantirish, ayni paytda, Yevropada munosib o‘rin egallashga qaratilgan islohotlarni davom ettirish niyatida.
Lavozimini egallaganidan so‘ng esa Pekinga tashrif buyurishni rejalashtirmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)