Malayziya hali ham KXDR yetakchisining akasi Kim Chon Namning o‘limida gumonlanayotgan 4 fuqaroni qo‘lga olishda Interpolning yordamiga ishonmoqda. Bu haqda The Star gazetasiga tayanib, “TASS” xabar qilmoqda.
Malayziya bosh vaziri o‘rinbosari Ahmad Zohid Homidiyning so‘zlariga ko‘ra, Kuala-Lumpur gumonlanuvchilarni qidirishda tashkilotning hamkorligiga suyanmoqda. Uning ta’kidlashicha, ish Interpol rahbari Men Xunveyning shaxsiy nazorati ostiga olingan.
Interpol KXDRning 4 fuqarosiga nisbatan 16-martda qizil xabarnoma e’lon qilgan. Xabarnoma nomiga order berilgan shaxslarning joylashgan joyini aniqlash va ularni boshqa davlatga topshirish yoki qonunchilikka muvodfiq boshqa xatti-harakatni amalga oshirishga ruxsat beradi.
Ma’lumot uchun, fevral oyining oxirida Malayziya huquqni muhofaza qilish organlari KXDRning 4 fuqarosiga nisbatan qidiruv e’lon qilishni so‘rab Interpolga murojaat qilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)