Nyu-York shtatida amerikalik milliarder, Rokfellerlar oilasining eng keksa vakili Devid Rokfeller vafot etdi. Meduza’ning yozishicha, u 101 yoshda edi.
Forbes jurnali tomonidan 20-mart kuni e’lon qilingan jahon milliarderlari reytingida Devid Rokfeller 3,3 milliard dollar boylik bilan 581-o‘rindan joy olgan edi.
Devid Rokfeller birinchi dollar milliarderi, Standard Oil neft kompaniyasi asoschisi Jon Rokfellerning nevarasidir. U iqtisod yo‘nalishida ta’lim olgan, davlat xizmatida ishlagan va Ikkinchi Jahon urushida armiyada xizmat qilgan.
1946-yili keyinchalik jahonning eng yirik banklaridan biriga aylangan Chase National (Chase Manhattan, keyinroq JPMorgan Chase nomini olgan) bankida ish boshlagan. Rokfeller 1960-yili mazkur bankning prezidentiga aylangan, bir necha yildan so‘ng esa boshqaruv raisi va bosh direktori sifatida ishlagan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)