Миллиардер Дэвид Рокфеллер вафот этди

Нью-Йорк штатида америкалик миллиардер, Рокфеллерлар оиласининг энг кекса вакили Дэвид Рокфеллер вафот этди. Meduza’нинг ёзишича, у 101 ёшда эди.

Forbes журнали томонидан 20 март куни эълон қилинган жаҳон миллиардерлари рейтингида Дэвид Рокфеллер 3,3 миллиард доллар бойлик билан 581-ўриндан жой олган эди.

Дэвид Рокфеллер биринчи доллар миллиардери, Standard Oil нефть компанияси асосчиси Жон Рокфеллернинг неварасидир. У иқтисод йўналишида таълим олган, давлат хизматида ишлаган ва Иккинчи Жаҳон урушида армияда хизмат қилган.

1946 йили кейинчалик жаҳоннинг энг йирик банкларидан бирига айланган Chase National (Chase Manhattan, кейинроқ JPMorgan Chase номини олган) банкида иш бошлаган. Рокфеллер 1960 йили мазкур банкнинг президентига айланган, бир неча йилдан сўнг эса бошқарув раиси ва бош директори сифатида ишлаган.

«Дарё»нинг Telegram’даги расмий канали — @toshqindaryo’га аъзо бўлинг!