Toshkentning Mirzo Ulug‘bek tumanida odam o‘limi bilan bog‘liq yo‘l-transport hodisasi yuz berdi. Bu haqda, Toshkent shahar IIBB Yo‘l harakati xavfsizligi boshqarmasi matbuot xizmatiga asoslanib, “Novosti Uzbekistana” xabar bermoqda.
3-mart kuni soat 15:00 atrofida Yuzrabot ko‘chasida (TTZdagi “Korzinka” supermarketi yaqinida) 24 yoshli haydovchi boshqaruvidagi Damas 75 yoshli pensionerni urib yuborgan.
Piyoda zudlik bilan Respublika neyroxirurgiya ilmiy markaziga yuborilgan, biroq olingan jarohatlar oqibatida kasalxonaning jonlantirish bo‘limida vafot etgan.
“Hozirgi vaqtda mazkur holat yuzasidan tergovoldi surishtiruv ishlari olib borilmoqda. Avariya vaqtida haydovchi to‘la hushyor holatda bo‘lgan”, — deb yozadi nashr.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)