Тошкентнинг Мирзо Улуғбек туманида одам ўлими билан боғлиқ йўл-транспорт ҳодисаси юз берди. Бу ҳақда, Тошкент шаҳар ИИББ Йўл ҳаракати хавфсизлиги бошқармаси матбуот хизматига асосланиб, «Новости Узбекистана» хабар бермоқда.
3 март куни соат 15:00 атрофида Юзработ кўчасида (ТТЗдаги «Корзинка» супермаркети яқинида) 24 ёшли ҳайдовчи бошқарувидаги Damas 75 ёшли пенсионерни уриб юборган.
Пиёда зудлик билан Республика нейрохирургия илмий марказига юборилган, бироқ олинган жароҳатлар оқибатида касалхонанинг жонлантириш бўлимида вафот этган.
«Ҳозирги вақтда мазкур ҳолат юзасидан терговолди суриштирув ишлари олиб борилмоқда. Авария вақтида ҳайдовчи тўла ҳушёр ҳолатда бўлган», — деб ёзади нашр.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)