Kanada rasmiylari mamlakat aholisi uchun tahdid tug‘ilgan taqdirda terrorchilar qo‘lga olgan yo‘lovchi samolyotini yo‘q qilishga ko‘rsatma berishi mumkin. Bu haqda CBC telekanali manbalariga tayanib, “TASS” xabar bermoqda.
Mamlakat mudofaa shtabi boshlig‘i general Jonatan Vensga 2015-yili lavozimga tayinlanishi chog‘ida taqdim etilgan hujjatlarda terrorchilarning Kanadaga ehtimoliy hujumining turli ssenariylari, maxsus xizmatlar va harbiy-havo kuchlarining bunga qarshi harakatlari ko‘rib chiqilgan.
Variantlardan biri AQShda 2001-yil, 11-sentabrda bo‘lgani kabi samolyotning qo‘lga olinishi va Torontodagi CN Tower osmono‘pariga yo‘naltirilishini ko‘zda tutadi.
Voqealar rivoji shunday tus olgan taqdirda Kanada harbiy-havo kuchlariga laynerni urib tushirish bo‘yicha buyruq berilishi mumkin. Bunday qarorni Kanada hukumati a’zolari, shuningdek, milliy mudofaa vazirligi va mamlakat politsiyasi rahbarlari qabul qiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)