Канада расмийлари мамлакат аҳолиси учун таҳдид туғилган тақдирда террорчилар қўлга олган йўловчи самолётини йўқ қилишга кўрсатма бериши мумкин. Бу ҳақда CBC телеканали манбаларига таяниб, «ТАСС» хабар бермоқда.
Мамлакат мудофаа штаби бошлиғи генерал Жонатан Вэнсга 2015 йили лавозимга тайинланиши чоғида тақдим этилган ҳужжатларда террорчиларнинг Канадага эҳтимолий ҳужумининг турли сценарийлари, махсус хизматлар ва ҳарбий-ҳаво кучларининг бунга қарши ҳаракатлари кўриб чиқилган.
Вариантлардан бири АҚШда 2001 йил, 11 сентябрда бўлгани каби самолётнинг қўлга олиниши ва Торонтодаги CN Tower осмонўпарига йўналтирилишини кўзда тутади.
Воқеалар ривожи шундай тус олган тақдирда Канада ҳарбий-ҳаво кучларига лайнерни уриб тушириш бўйича буйруқ берилиши мумкин. Бундай қарорни Канада ҳукумати аъзолари, шунингдек, миллий мудофаа вазирлиги ва мамлакат полицияси раҳбарлари қабул қилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)