Chevrolet Cruze Amerikaning eng yaxshi avtomobillari o‘nligidan joy oldi

Amerikaning Consumer Reports nashri 2017-yilning eng yaxshi avtomobillarini ma’lum qildi, deb yozadi “Motor”. Mashinalar o‘z test-drayvlari, ishonchlilik reytingi, xavfsizlik ko‘rsatkichlari va egalarinng fikrlariga qarab tanlandi.

1. Toyota Yaris iA

   

Mazda kompaniyasi tomonidan ishlab chiqilgan, AQShda Scion markasida sotuvga chiqqan, biroq u bozorni tark etgandan keyin Toyota’ga aylangan mazkur avtomobil ishonchlilik indeksi yuqori ekanligi va egalarining yaxshi fikr bildirganligi bilan e’tiborga sazovor.

2. Chevrolet Cruze

   

Yangi Cruze ekspertlar tomonidan eng yuqori baholangan mashina bo‘lib, Honda Civic va Toyota Corolla bilan bir qatorda raqobatlasha oladi.

3. Toyota Prius

   

Prius ishonchlilik ko‘rsatkichlari juda yuqori bo‘lib, uning egalari keyingi mashina xarid qilishda yana shu modelni tanlashga tayyor ekanligini bildirgan.

4. Mazda MX-5 sportkari

   

Mashina egalarining ijobiy fikrlari, boshqaruvdagi qulaylik va tejamkorlik ko‘rsatkichlari unga reytingdan joy olish imkonini berdi.

5. Kia Optima

   

Modelning ishonchlilik ko‘rsatkichlari yuqori bo‘lib, nashr ekspertlari tomonidan ham yuqori baholangan.

6. Chevrolet Impala

   

Nashr ekspertlari Impala’ning keng saloni, yumshoq rul boshqaruvi, katta yukxonasi va maqbul qiymatiga urg‘u beradi.

7. Subaru Forester yo‘ltanlamasi

   

Ekspertlarga uning keng saloni va tejamkor motorlari ma’qul keldi.

8. Toyota Highlander

   

Yangilangan Highlander sakkizdiapazonli avtomatik uzatish korobkasi ega bo‘ldi.

9. Audi Q7

   

Audi Q7 nashr tomonidan sinovdan o‘tkazilgan barcha yo‘ltanlamaslar orasida eng yuqori baholandi. Bu uning ishonchlilik ko‘rsatkichlari va egalari tomonidan bildirilgan fikrlariga ham taalluqli.

10. Honda Ridgeline

    

Nashr ekspertlari fikricha, ixcham pikap katta va og‘ir pritseplar shatakka olish uchun mos kelmaydi. Biroq u tadbirkorlik uchun to‘liq o‘lchamli pikapga ehtiyoji bo‘lmagan va mashina yordamida ba’zan tabiat qo‘yniga chiqishni istovchilar uchun eng yaxshi modellardan biri deb topildi.