Chevrolet Cruze Американинг энг яхши автомобиллари ўнлигидан жой олди

Американинг Consumer Reports нашри 2017 йилнинг энг яхши автомобилларини маълум қилди, деб ёзади «Мотор». Машиналар ўз тест-драйвлари, ишончлилик рейтинги, хавфсизлик кўрсаткичлари ва эгалариннг фикрларига қараб танланди.

1. Toyota Yaris iА

   

Mazda компанияси томонидан ишлаб чиқилган, АҚШда Scion маркасида сотувга чиққан, бироқ у бозорни тарк этгандан кейин Toyota’га айланган мазкур автомобиль ишончлилик индекси юқори эканлиги ва эгаларининг яхши фикр билдирганлиги билан эътиборга сазовор.

2. Chevrolet Cruze

   

Янги Cruze экспертлар томонидан энг юқори баҳоланган машина бўлиб, Honda Civic ва Toyota Corolla билан бир қаторда рақобатлаша олади.

3. Toyota Prius

   

Prius ишончлилик кўрсаткичлари жуда юқори бўлиб, унинг эгалари кейинги машина харид қилишда яна шу моделни танлашга тайёр эканлигини билдирган.

4. Mazda MX-5 спорткари

   

Машина эгаларининг ижобий фикрлари, бошқарувдаги қулайлик ва тежамкорлик кўрсаткичлари унга рейтингдан жой олиш имконини берди.

5. Kia Optima

   

Моделнинг ишончлилик кўрсаткичлари юқори бўлиб, нашр экспертлари томонидан ҳам юқори баҳоланган.

6. Chevrolet Impala

   

Нашр экспертлари Impala’нинг кенг салони, юмшоқ рул бошқаруви, катта юкхонаси ва мақбул қийматига урғу беради.

7. Subaru Forester йўлтанламаси

   

Экспертларга унинг кенг салони ва тежамкор моторлари маъқул келди.

8. Toyota Highlander

   

Янгиланган Highlander саккиздиапазонли автоматик узатиш коробкаси эга бўлди.

9. Audi Q7

   

Audi Q7 нашр томонидан синовдан ўтказилган барча йўлтанламаслар орасида энг юқори баҳоланди. Бу унинг ишончлилик кўрсаткичлари ва эгалари томонидан билдирилган фикрларига ҳам тааллуқли.

10. Honda Ridgeline

    

Нашр экспертлари фикрича, ихчам пикап катта ва оғир прицеплар шатакка олиш учун мос келмайди. Бироқ у тадбиркорлик учун тўлиқ ўлчамли пикапга эҳтиёжи бўлмаган ва машина ёрдамида баъзан табиат қўйнига чиқишни истовчилар учун энг яхши моделлардан бири деб топилди.