G‘afur G‘ulom nomidagi nashriyot-matbaa ijodiy uyi Augmehted reality COLAR firmasi bilan hamkorlikda 3D formatidagi yangi innovatsion kitob mahsulotlarini nashrdan chiqara boshladi.
Mazkur kitob yuqori texnologiyalar yordamida nashrdan chiqqan. Uning muqova va rasmlarining tanlanishiyoq kitobxonlarga xush kayfiyat baxsh etadi.
Shuningdek, bu kitobning o‘qilishi ham g‘aroyib. Maxsus dastur telefonda yuklanib olinadi, keyin kodi bilan o‘qiladi. Telefon orqali o‘qilganda rasmlar harakatga keladi.
Ushbu kitobning uch turi mavjud: “Hayvonot olamida”, “Bizning kasblarimiz” va “Sevimli qahramonlar”.
Innovatsion texnologiya bilan tanishish uchun quyidagi besh qadamni amalga oshirish zarur:- COLOR bo‘yoq kitobini sotib olish;
- Dasturni yuklab olish;
- Skretch-kodni faollashtirish;
- Rasmni ehtiyotkorlik bilan konturlardan chetga chiqmasdan bo‘yash;
- Tasvir ustiga smartfon yoki planshetni olib borish.
Bola qahramonlarni har tomondan tomosha qilishi, u qanday gaplashayotganini eshitishi, qanday harakatlanayotganini ko‘rishi, u bilan birga suratga tushishi va fotosuratni shu ondayoq do‘stlariga yuborishi mumkin.
Izoh (0)