21-fevralning e’tiborga molik yangiliklari — “Daryo”ning kechki dayjestida.
1. O‘zbekistonda 10 ming so‘mlik kupyura muomalaga chiqariladi. O‘zbekiston Senati bu tashabbusni 20-fevral kuni ma’qullagani aytilmoqda.
2. Alisher Shodmonov O‘zbekiston Sog‘liqni saqlash vaziri etib tayinlandi. Vazirlikni 2016-yil dekabridan beri bosh vazir o‘rinbosari Adham Ikromov boshqarib kelayotgandi.
3. “Dushanbe—Toshkent” aviareysi amalga oshmagani uchun Somon Air’ning tijorat ishlari bo‘yicha direktori lavozimidan chetlatildi. Tojikiston nashrlarining qayd etishicha, O‘zbekiston poytaxti sari birinchi samolyot “yaqin kunlar ichida” parvoz qiladi.
4. Ozarbayjon prezidenti Ilhom Aliyev o‘z xotini Mehribonni mamlakat birinchi vitse-prezidenti etib tayinladi. Bugungi kunga qadar Ozarbayjon birinchi vitse-prezidenti lavozimi vakant bo‘lib turgandi.
5. Samarqandda “Gazel” mikroavtobuslari ishlab chiqarilishi mumkin. E’tiborli tomoni, 2017—2021-yillar oralig‘ida O‘zbekistonda 5 700 ta umumiy foydalanishga qulay mikroavtobus sotib olinishi rejalashtirilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)