Ostonada Suriya qurolli muxolifati ishtirokida uchrashuvlar bo‘lib o‘tmoqda, deb yozadi “TASS” Qozog‘iston tashqi ishlar vazirligi matbuot xizmatiga tayanib.
Suriya bo‘yicha konferensiyaning yalpi majlisidan oldin (u Toshkent vaqti bilan 14:00 ga belgilangan) delegatsiyalarning ikki tomonlama maslahatlashuvlari bo‘lib o‘tadi.
Suriya bo‘yicha xalqaro uchrashuv ishtirokchilari 15-fevral kuni Ostonada 16-fevralda ochiladigan Suriyadagi nizolarni tartibga solish bo‘yicha xalqaro uchrashuvga tayyorgarlik yuzasidan maslahatlashuvlar olib borgan edi. Diqqat markazida — o‘t ochishni to‘xtatish rejimi ustidan nazorat va oy oxiriga rejalashtirilgan Jenevadagi Suriyaaro maslahatlashuvlar istiqbollari.
Qozog‘iston poytaxtida yarashuvga kafil mamlakatlar — Rossiya, Eron va Turkiya vakillari, shuningdek, Iordaniya, AQSh va BMT vakillari, rasmiy Damashq va qurolli muxolifat delegatsiyasi ish olib bormoqda.
Izoh (0)