O‘zbekistonda 1-martdan boshlab chakana savdo va pulli xizmat ko‘rsatish sohasida terminalsiz faoliyat yuritish Prezident qarori bilan taqiqlandi, biroq bu taqiq dehqon bozorlari savdo rastalardagi sotuvchilarga taalluqli emas.
“Novosti Uzbekistana” nashrining Davlat soliq qo‘mitasi matbuot xizmatiga asoslanib xabar berishicha, O‘zbekiston Prezidentning 15-fevraldagi qarori faqat turg‘un savdo nuqtalariga daxldor bo‘lib, dehqon bozorlari rastalaridagi sotuvchilar 1-martdan keyin ham terminalsiz faoliyat yuritishi mumkin.
Dehqon (oziq-ovqat) bozori — keng turdagi qishloq xo‘jaligi oziq-ovqat mahsulotlarining va uni qayta ishlashdan olinadigan mahsulotlarning savdo rastalari, savdo o‘rinlari, turg‘un savdo shoxobchalari (shu jumladan savdo pavilonlari, kioskalari)dan foydalangan holda chakana va mayda ulgurji oldi-sotdisi amalga oshiriladigan bozor. Prezident tomonidan imzolangan hujjat faqat turg‘un savdo nuqtalari — oziq-ovqat va buyum do‘konlari, jumladan, bozorlardagi do‘konlar, savdo shoxobchalari, bekatlardagi Paynet shoxobchalari, qahvaxonalar, sartaroshxonalar va hokazolarga taalluqlidir.“Daryo”ning Telegram’dagi rasmiy kanali — @toshqindaryo’ga a’zo bo‘ling!Muzaffar Nazarov, Davlat soliq qo‘mitasi matbuot kotibi
Izoh (0)