AQSh prezidenti Donald Tramp Twitter’dagi sahifasida Yaponiya bosh vaziri Sindzo Abe va uning turmush o‘rtog‘i haqida iliq fikrlarni yozib qoldirdi, deya xabar bermoqda “Gazeta.ru”.
“Melanya va men mehmonlarimiz — Yaponiya bosh vaziri Sindzo Abe va uning turmush o‘rtog‘ini Palm Bichdagi Mar-a-Lago, Floridada qabul qilyapmiz. Ular — ajoyib juftlik”, — deb yozdi Tramp.
“RIA Novosti”ning yozishicha, avvalroq AQSh prezidenti Donald Tramp va Yaponiya bosh vaziri Sindzo Abe dam olish kunlarini xotirjam o‘tkazish uchun Floridaga yo‘l olgan edi. Ularga turmush o‘rtoqlari ham hamrohlik qilmoqda.
“Biz birgalikda golf o‘ynaymiz. Golfda mening natijalarim Donaldnikiga umuman yaqin yo‘lamaydi, lekin mening siyosatim har vaqt kubokka qaratilgan”, — degan edi Abe parvoz arafasida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)