Трамп эр-хотин Абэларни ажойиб жуфтлик деб атади

АҚШ президенти Дональд Трамп Twitter’даги саҳифасида Япония бош вазири Синдзо Абэ ва унинг турмуш ўртоғи ҳақида илиқ фикрларни ёзиб қолдирди, дея хабар бермоқда «Газета.ru».

«Меланья ва мен меҳмонларимиз — Япония бош вазири Синдзо Абэ ва унинг турмуш ўртоғини Палм Бичдаги Мар-а-Лаго, Флоридада қабул қиляпмиз. Улар — ажойиб жуфтлик», — деб ёзди Трамп.

«РИА Новости»нинг ёзишича, аввалроқ АҚШ президенти Дональд Трамп ва Япония бош вазири Синдзо Абэ дам олиш кунларини хотиржам ўтказиш учун Флоридага йўл олган эди. Уларга турмуш ўртоқлари ҳам ҳамроҳлик қилмоқда.

«Биз биргаликда гольф ўйнаймиз. Гольфда менинг натижаларим Дональдникига умуман яқин йўламайди, лекин менинг сиёсатим ҳар вақт кубокка қаратилган», — деган эди Абэ парвоз арафасида.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.