Samvel Babayan jamoasi Armaniston chempionidan mag‘lubiyat qabul qilib oldi

Jahon Chempionati–2018 saralash bosqichi ikkinchi davrasiga tayyorgarlik ko‘rish maqsadida Turkiyaning Antaliya shahrida qisqa muddatli yig‘in o‘tkazayotgan O‘zbekiston milliy terma jamoasi bugun, 11-fevral kuni Armaniston chempioni – “Alashkert” klubiga qarshi o‘rtoqlik o‘yini o‘tkazdi.

Uchrashuv translyatsiyasi YouTube’dagi V SPORT kanalida namoyish etildi. Samvel Babayan jamoasi mazkur bellashuvda 0:2 hisobida imkoniyatni boy berdi. O‘zbekiston termasi 83 va 88-daqiqalarda o‘z darvozasidan gol o‘tkazib yubordi.

O‘zbekiston terma jamoasi Turkiyadagi yig‘ini doirasida dastlabki o‘rtoqlik uchrashuvini Rossiya Premyer-ligasi vakili – “Amkar” klubiga qarshi o‘tkazib, Igor Sergeyevning yagona goli evaziga 1:0 hisobida zafar quchgandi.Eslatib o‘tamiz, terma jamoaning 2017-yil hisobidan birinchi o‘quv-mashg‘ulotlar yig‘ini 21–24-yanvar kunlari BAAda tashkil etilgandi. Unda O‘zbekiston avval Daniya U-23 termasiga 1:2 hisobida mag‘lub bo‘lgandi, keyin esa Gruziya termasi bilan 1:1 hisobida durang o‘ynagan edi.

O‘rtoqlik uchrashuvi11 fevral, shanbaTurkiya, Antaliya

O‘zbekiston MTJ – “Alashkert” (Armaniston) 0:2

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.