Iroq bosh vaziri: Biror bir mintaqaviy va xalqaro nizo ishtirokchisi bo‘lish niyatimiz yo‘q

Iroq bosh vaziri Haydar al-Obodiy AQSh prezidenti Donald Tramp bilan suhbatdan so‘ng, Iroq hech qanday mintaqaviy va xalqaro nizolarda qatnashmasligini ma’lum qildi. Bu haqda “Gazeta.ru” xabar bermoqda.

“Iroq o‘z milliy manfaatlarini himoya qilishga intiladi va nafaqat mintaqada, balki Iroqda ham falokatlarga sabab bo‘lishi mumkin bo‘lgan biror-bir mintaqaviy va xalqaro nizolarning ishtirokchisi bo‘lish niyati yo‘qligini ma’lum qiladi”, — dedi mamlakat bosh vaziri.

Oq uydan ma’lum qilishlaricha, AQSh va Iroq yetakchilari butun mintaqa uchun Eron tomonidan ko‘rsatilayotgan tahdid ko‘lamini muhokama qilgan. Iroq ma’muriyati tomonidan e’lon qilingan suhbat tafsilotida bu mavzu tilga olinmagan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.