Toshkent shahrining ikkilamchi kvartira bozorida yanvar oyida narxlar o‘rtacha 2 foizga oshib, kvadrat metr uchun o‘rtacha 561 shartli birlikni tashkil etdi. Bu haqda “Gazeta.uz” xabar bermoqda.
G‘ishtli uylardagi kvartiralar narxi yangi yilning birinchi oyi yakuniga ko‘ra 2 foizga (kvadrat metri uchun — 599 shartli birlik), panel uylarda esa 1 foizga (533) ko‘tarildi.
Xonalar sonidan kelib chiqqan holda kvadrat metrning o‘rtacha narxi quyidagicha bo‘ldi: bir xonali — 545 (+2 foiz), ikki xonali 542 (+1 foiz), uch xonali 578 (+1 foiz) va to‘rt xonali 571 (o‘zgarishsiz) shartli birlik.
Yanvar oyida poytaxtning 11 tumanidan ikkitasida taklifning o‘rtacha narxi kamaygani, 4 tumanida ko‘tarilgani, yana 4 tumanda esa dekabr oyi darajasida qolgani kuzatildi.
Ma’lumot uchun, 2016-yil davomida Toshkentning ikkilamchi kvartira bozorida narxlar qariyb uzluksiz ravishda faqat pastlagan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)