“Toshshahartransxizmat” AJ Toshkentning Yashnobod tumanida 6- fevral, dushanba kuni 49-yo‘nalish (TTZ—metroning “Do‘stlik” bekati) bo‘yicha harakatlanatayotgan Isuzu rusumli yo‘lovchi avtobusi ag‘darilib ketishi tafsilotlariga aniqlik kiritdi. Bu haqda “Novosti Uzbekistana” xabar bermoqda.
2-avtopark harakat xavfsizligi boshlig‘i Doniyor Yormuhammedov so‘zlariga ko‘ra, hodisa tonggi 5:30 da, avtobus reysga chiqib ketayotganida ro‘y berdi. Yuz bergan avariyaga Cobalt yengil avtomobili haydovchisi sababchi bo‘ldi.
Oldinda ketayotgan Cobalt haydovchi keskin to‘xtagan. Avtobus haydovchisi to‘qnashashishdan qochish uchun rulni o‘ngga burgan. Biroq sirpanchiq yo‘lda boshqaruvni uddalay olmay, g‘ildiragi ariqqa tushib, avtobus yonboshga ag‘darildi. Bu paytda avtobusda yo‘lovchilar bo‘lmagan, haydovchining o‘zi ham jabrlanmadi.Transport vositasiga yetkazilgan zarar 120 ming so‘mga baholandi. Shuningdek, barcha haydovchilarga yo‘l harakati qoidalari bo‘yicha ko‘rsatmalar berildi.“Toshshahartransxizmat” mutasaddisi
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)