5-fevral kuni Rossiyaning Peterburg shahrida Dmitriy ismli yigit yuz rublli kupyuralar yopishtirilgan kurtkada ko‘chaga chiqdi, deb yozadi TJournal. U ehtiyojmandlarni uning kurtkasidan pul olishga undovchi so‘zlar yozilgan taxtachani ko‘tarib oldi.
Dmitriy o‘z aksiyasidan hech qanday yashirin maqsadni ko‘zlamagani va shunchaki o‘tkinchilarning reaksiyasini ko‘rishni istaganini aytdi.
U o‘zining ijtimoiy eksperimentini YouTube’dagi StavPranks kanali mualliflaridan ilhomlanib o‘tkazdi, ular bunday aksiyalarni Rossiya va Ukrainaning bir nechta shaharlarida, shuningdek, Qozog‘istonda ham o‘tkazgan edi, u yerda eksperimentatorni bir yo‘la o‘n nafar politsiyachi so‘roq qilgandi.
Dmitriy ham Peterburgda tartib posbonlari e’tiboriga tushdi. Ular yigitning hujjatlarini tekshirib ko‘rdi, ammo uni hibsga olmadi.
Izoh (0)