Yaponiya yadro obyektlari demontaji tadqiqot instituti shu yil mart oyida “Fukusima-1” AES birinchi reaktoriga yuboriladigan yangi robotni taqdim etdi. Bu haqda “TASS” xabar bermoqda.
70 santimetrli robot ikki tutqichga ega, kamera bilan jihozlangan va masofadan boshqariladi.
Avvaliga stansiya kompaniya-operatori -- Tokyo Electric Power (TEPCO) bunday qurilmalarni AESning birinchi va ikkinchi reaktoriga jo‘natishni mo‘ljallagan edi.
Biroq yaqinda qayd etilgan ikkinchi reaktordagi radiatsiyaning yuqori darajasi ushbu rejani yo‘qqa chiqardi.
Reaktorda kuzatilgan nurlanishning soatiga 530 zivert darajasida robot ikki soatdan ortiq ishlay olmaydi.
Taqqoslash uchun, inson uchun radiatsiyaning me’yoriy darajasi yiliga 0,0024 zivertni tashkil etadi, 20 zivert nurlanishda esa til tortmay o‘lish mumkin.
Reaktordagi nurlanish darajasi haqidagi ma’lumot kamerali zond yordamida olindi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)