Qayta ishlangan qog‘ozdan velosiped ishlab chiqildi (foto)
Urban GC1– qayta ishlangan qog‘ozdan tayyorlangan velosiped. Yaratuvchilarning so‘zlariga ko‘ra, ular shahar bo‘ylab harakatlanish imkonini beruvchi ekologik transport yaratishga harakat qildi. Bu haqda “Vc.ru” xabar berdi.
Velosiped qayta ishlangan poliester bilan qoplangan, shuning hisobiga velosiped yomg‘irda nam tortmaydi. Transport vositasi smartfonlar uchun ekologik g‘ilof bilan birgalikda, maxsus usulda loyihalashtirilgan qadoqda yetkazib beriladi. Bu qadoqni qayta ishlatish yoki biror foydali narsaga aylantirish mumkin (ishlab chiqaruvchilar velosipedni yetkazib bergan vaqtda qadoqni ishlatish bo‘yicha qo‘llanma qo‘shib beriladi).
Urban GC1’ning yaratuvchilari bo‘lgan meksikalik jamoa velosipedning birinchi guruhini ishlab chiqarish uchun Kickstarter saytida mablag‘ yig‘moqda. Ishlab chiqaruvchilarning qayd etishicha, suratda velosipedning qo‘lda tayyorlangan namunasi taqdim etilgan, dizaynning so‘nggi ko‘rinishi bundan farq qiladi.
Kompaniya velosipedni yetkazib berishni 2017-yilda boshlashni rejalashtirmoqda. Velosipedning narxi kamida 100 dollar turadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
