Япония ядро объектлари демонтажи тадқиқот институти шу йил март ойида «Фукусима-1» АЭС биринчи реакторига юбориладиган янги роботни тақдим этди. Бу ҳақда «ТАСС» хабар бермоқда.
70 сантиметрли робот икки тутқичга эга, камера билан жиҳозланган ва масофадан бошқарилади.
Аввалига станция компания-оператори -- Tokyo Electric Power (TEPCO) бундай қурилмаларни АЭСнинг биринчи ва иккинчи реакторига жўнатишни мўлжаллаган эди.
Бироқ яқинда қайд этилган иккинчи реактордаги радиациянинг юқори даражаси ушбу режани йўққа чиқарди.
Реакторда кузатилган нурланишнинг соатига 530 зиверт даражасида робот икки соатдан ортиқ ишлай олмайди.
Таққослаш учун, инсон учун радиациянинг меъёрий даражаси йилига 0,0024 зивертни ташкил этади, 20 зиверт нурланишда эса тил тортмай ўлиш мумкин.
Реактордаги нурланиш даражаси ҳақидаги маълумот камерали зонд ёрдамида олинди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)