Microsoft qarzdorlikdan qutulish uchun 17 mlrd dollarlik obligatsiyalar chiqardi

Microsoft qiymati 17 milliard dollarga teng obligatsiyalarni chiqardi. Bu haqda kompaniya saytida ma’lum qilindi, deb xabar beradi “Kommersant”.

Kompaniya 2020—2057-yillarda so‘ndiriladigan va 1,85 foizdan 4,5 foizgacha daromad keltiradigan qimmatli qog‘ozlarni joylashtirdi. Jalb etiladigan mablag‘lardan, moliyalashtirish, asosiy kapitalga investitsiyalar, aksiyalar sotib olish, qarzdorlikni uzish va yangi xaridlar uchun foydalanilishi ko‘zda tutilmoqda. 

Ma’lumot uchun, Microsoft bozor bahosi yaqinda bo‘lib o‘tgan savdolar chog‘i 2,5 foizga ko‘tarilib, 2000-yildan beri birinchi marta 500 milliard dollardan oshdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.