Saudiya Arabistoni mart oyidan AQSh, Yevropa va Osiyoga eksport uchun mo‘ljallangan neft narxini oshiradi. Bu haqda mamlakatning Saudi Aramco davlat neft kompaniyasi manbalariga tayanib, Bloomberg ma’lum qildi, deya xabar beradi “Kommersant”.
Osiyolik xaridorlar uchun neftning yengil turi narxi 30 sentga oshadi. Narxlar AQSh, Shimoli-G‘arbiy Yevropa, O‘rtayer dengizi va Osiyoda sotish uchun mo‘ljallangan neftning barcha turlari uchun ham ko‘tariladi.
O‘tgan yili ham Saudi Aramco Osiyo va AQSh uchun neftining deyarli barcha turlariga narxlarni oshirgandi.
Ekspertlar 2016-yil boshidan neft kotirovkalarining 80 foizga ko‘tarilgani Saudiya Arabistoniga xomashyo bahosini oshirgan taqdirda ham dunyodagi yirik eksportchi maqomini saqlab qolishiga ishonch uyg‘otganini ta’kidlamoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)