Filippin prezidenti Rodrigo Duterte giyohvand moddalarning noqonuniy aylanmasiga qarshi kurashda armiya yordamidan foydalanish to‘g‘risidagi farmonni imzolashga tayyorligini ma’lum qildi. Bu haqda “TASS” xabar bermoqda.
Avvalroq mamlakat rahbariyati huquqni muhofaza qilish organlarida kuzatilgan korrupsiya holatlari tufayli politsiyaning narkotiklarni noqonuniy ishlab chiqarish, saqlash va sotishga qarshi operatsiyalarini to‘xtatib qo‘ygan edi.
1-fevral kuni Filippin Mudofaa vazirligi prezidentdan giyohvand moddalar tarqalishini oldini olishda armiyaning ham ishtirokini ta’minlovchi, shuningdek, harbiylarga noinsof politsiyachilarni hibsga olish vakolatlarini taqdim etuvchi farmon imzolashni so‘ragan edi.
Eslatib o‘tamiz, avvalroq Duterte o‘zining narkotiklarga qarshi kurash uslublarini tanqid qilgan ruhoniylarni narkotrafikka qarshi kurashda o‘z ta’siridan foydalanishga chaqirgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)