Duterte o‘zining narkotiklarga qarshi kurash uslublarini tanqid qilgan ruhoniylarga qarshi gapirdi

Filippin prezidenti Rodrigo Duterte katolik cherkov ruhoniylari va yepiskoplarini tanqid qilib, ularni poraxo‘rlik va bolalarga shafqatsiz munosabatda bo‘lishda aybladi, deb yozadi “Gazeta.ru”.

Ta’kidlanishicha, Duterte katolik cherkov uning narkotiklarga qarshi kurash siyosatidan tashvishda ekanligidan g‘azabga kelgan va ruhoniylarga tanqid yog‘dirib, ularni o‘zining harakatlarini tanqid qilish o‘rniga, narkotrafikka qarshi kurashda o‘z ta’siridan foydalanishga chaqirgan.

“Siz politsiyani, meni tanqid qilyapsiz. Nima uchun? Mamlakatimizning ko‘pchilik fuqarolari katoliklar. Agar siz yaxshi ruhoniy bo‘lsangiz, ularga narkotiklar iste’mol qilishdan vafot etishini tushuntiring”, — dedi Duterte.