Australian open—2017 g‘olibi Rojer Federer ATP reytingida o‘ntalikka, o‘zbekistonlik Denis Istomin esa yuztalikka qaytdi
30-yanvar — dushanba kuni tennis bo‘yicha ATP reytingining yangilangan varianti e’lon qilindi. Unga ko‘ra, Avstraliya ochiq chempionatida g‘oliblikni qo‘lga kiritgan Rojer Federer 17-o‘rnidan 10-pog‘onaga ko‘tarilib oldi.
Foto: ATPFedererga qarshi finalda ishtirok etgan ispaniyalik Rafael Nadal eski reytingda 9-o‘rinda edi. U endilikda dunyoning oltinchi raketkasiga aylanib oldi. Britaniyalik Endi Marrey peshqadamligini saqlab qolishga erishdi. Denis Istomindan mag‘lub bo‘lib, Australian open’dan chiqib ketgan Novak Jokovich 2-o‘rindan joy olgan.
O‘zbekistonning birinchi raketkasi Denis Istomin bunga qadar turnir jadvalida 117-o‘rinni egallab turgandi. Endilikda u 80-o‘rindan joy olgan. Yana bir o‘zbekistonlik Sanjar Fayziyev 367-pog‘onasini saqlab qolgan.
Ma’lumot uchun, Denis Istomin ATP reytingida 2012-yilning 13-avgust kuni 33-o‘ringa ko‘tarilgan. Bu uning hozirgacha eng yaxshi natijasi bo‘lib turibdi.
Izoh (0)