24-yanvar kuni xalq deputatlari Buxoro shahar Kengashining navbatdan tashqari sessiyasi bo‘lib o‘tdi. Buxoro viloyati hokimligi axborot xizmati xabariga ko‘ra, sessiyada viloyat hokimi O‘ktam Barnoyev so‘zga chiqqan.
Viloyat hokimining qayd etishicha, Buxoro shahrida ijtimoiy-iqtisodiy rivojlantirish sohasida jiddiy kamchiliklarga yo‘l qo‘yilmoqda.
Uy-joy qurilishi va sifati talab darajasida emas. Kommunal to‘lovlar bo‘yicha qarzdorlik bartaraf etilmayotir. Shaharni obodonlashtirish ishlari ayanchli ahvolda. Odamlarni tashvishlantirayotgan muammolarni hal etishga mas’uliyatsizlik bilan qaralayotgani sababli, yuqori tashkilotlarga qilinayotgan murojaatlar ko‘paymoqda. Bu esa shahar rahbariyatining tashkilotchiligi yetishmasligi, masalaga yangicha yondashmayotganini ko‘rsatadi.Sessiyada tashkiliy masala ko‘rilgan. Shu vaqtgacha Buxoro shahriga hokimlik qilib kelgan Valijon O‘rinov o‘z arizasiga binoan vazifasidan ozod qilingan. Uning o‘rniga shu kungacha Kogon shahriga hokimlik qilib kelgan Ixtiyor Farmonov Buxoro shahri hokimi etib tayinlangan.O‘ktam Barnoyev, Buxoro viloyati hokimi
Kogon shahriga endi kim hokimlik qilishiga aniqlik kiritilmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)