O‘zbekistonda pensionerlarga jamoatchilik transportidan bepul foydalanishga imkon beruvchi qaror bir oy ichida qabul qilinadi
O‘zbekistonda bir oy mobaynida pensionerlarga jamoatchilik transportidan bepul foydalanishga imkon beruvchi qaror qabul qilinadi. Bu haqda mamlakat Harakatlar strategiyasi muhokama qilinayotgan media-haftalik doirasidagi chiqishi chog‘ida moliya vazirining o‘rinbosari Mubin Mirzayev ma’lum qildi, deya xabar beradi “Novosti Uzbekistana”.
Moliya vazirligi vakiliga ko‘ra, pensionerlarni qo‘llab-quvvatlash masalasi 2017—2021-yillar Harakatlar strategiyasi ijtimoiy yo‘nalishining ustuvor vazifalaridan biri hisoblanadi.
Prezident Shavkat Mirziyoyev o‘zining saylovoldi dasturida pensionerlar uchun qatnovni bepul qilishga va’da bergan. Bu va’da so‘zsiz bajariladi. Hozirda tegishli hujjat ustida ishlayapmiz va u 20 kun mobaynida qabul qilinadi.Vazir o‘rinbosari pensionerlarga metropoliten va shahar avtobusi xizmatidan bepul foydalanish imkoniyati yaratilishini bildirdi.Mubin Mirzayev, Moliya vazirining o‘rinbosari
Eslatib o‘tamiz, yanvar oyi boshida “Toshshahartransxizmat” kompaniyasi pensionerlarga Toshkent metropoliteni va jamoat transportining boshqa turlarida bepul yurishni joriy etish masalasi haqiqatan ham ko‘rib chiqilayotganini ma’lum qilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
