Shotlandiyaning Aberdin shahrida yashovchi Eleyn Meys ismli ayol uzunligi 140 santimetr bo‘lgan sochlarini oldirib tashadi. Bu haqda BBC News xabar bermoqda.
Ayol saratonni o‘rganish va uning oldini olish bo‘yicha tadqiqotlarni moliyalashtiruvchi tashkilot uchun pul yig‘ish maqsadida sochlaridan voz kechgan. Xabar berishlaricha, 56 yoshli Meysning bir necha qarindoshi va do‘stlari saratondan vafot etgan.
U 1994-yildan boshlab sochini oldirmay qo‘ygan, ayni vaqtda, agar kimda-kim saratonga qarshi kurash uchun 1 funt-sterling xayriya qiladigan bo‘lsa, 1 millimetrdan sochini kaltalatishni va’da qilgan. Natijada Meys sochlarini butunlay kal qilib oldirib tashlab, 2,4 ming funt to‘plashga muvaffaq bo‘ldi.
Eleyn Meys o‘zining yangi soch turmagidan juda ham mamnun. U xayriya aksiyasidan tushgan pulni Cancer Research UK tashkilotiga o‘tkazib bergan. Uning kesilgan sochlaridan saraton bilan xastalangan bolalalar uchun yasama soch tayyorlanadi.
Avvalroq xitoylik bir ayol Ginnesning rekordlari kitobiga kirish uchun sochini 35 yil davomida 2,52 metrgacha o‘stirgani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)