Vashington politsiyasi AQSh 45-prezidenti Donald Trampning inauguratsiyasi bo‘lib o‘tgan kunda boshlangan ommaviy tartibsizliklar davomida 217 kishini hibsga oldi.
Meduza xabariga ko‘ra, norozilik namoyishlari ishtirokchilari bilan to‘qnashuvlar vaqtida uch kishi, jumladan, ikki politsiyachi jarohatlangan.
Live Blog: Limo in DC set on fire as part of anti-Trump protest https://t.co/zQ9wKMlsiC pic.twitter.com/1qtJSf6czi
— The Daily Orange (@dailyorange) January 20, 2017
Vashingtondagi tartibsizliklarning ishtirokchilari do‘konlar, avtobus bekatlari va avtomobillarni vayron qilgan, politsiya ularga qarshi ko‘zdan yosh oqizuvchi gaz hamda yorug‘lik va shovqin tarqatuvchi granatalardan foydalangan.
AQSh poytaxtida tartibsizliklar bilan bir vaqtda Trampga qarshilarning tinch namoyishi ham bo‘lib o‘tgan.
Donald Trampning inauguratsiyasi munosabati bilan AQShning boshqa yirik shaharlari, jumladan, Nyu-York, Chikago, Dallas, Sietl va Portlendda ham norozilik namoyishlari bo‘lib o‘tdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)