GM Uzbekistan 2016-yil iyul — dekabrida Rossiyada 1811 ta Ravon avtomobilini sotdi. Bu haqda Yevropa biznesi assotsiatsiyasi avto ishlab chiqaruvchilar qo‘mitasi ma’lum qildi, deya xabar beradi UzDaily.
Qo‘mitaga ko‘ra, kompaniya dilerlari o‘tgan yil dekabr oyida 799 mashina sotdi. Rossiya bozorida GM Uzbekistan ulushi yil yakunlari bo‘yicha 0,1, dekabr yakuni bo‘yicha esa 0,3 foizni tashkil etdi.
2016-yil yanvar—noyabr yakuni bo‘yicha kompaniya avtomobillar sotish hajmi bo‘yicha Rossiyada 27-o‘rinni egalladi. Hisobot davrida GM Uzbekistan’ning hech bir modeli Top-25 qatoridan o‘rin olmadi.
Ma’lumot uchun, Rossiyada Ravon brendi ostidagi mashinalar sotuvi 2016-yil iyulidan boshlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)