Chevrolet Malibu, Mercedes C-Class, Hyundai Sonata va boshqalar: 2016-yilning eng xaridorgir sedanlari

Focus2move sayti 2016-yil yakunlari bo‘yicha jahon bo‘ylab eng talabgir bo‘lgan o‘rta hajmli sedanlar ro‘yxatini e’lon qildi. “Motor” nashri ro‘yxatning dastlabki o‘nligini ulashdi.

Toyota Camry

Birinchi o‘rin yapon mashinasozlarining mahsuloti – Toyota Camry’ga nasib qildi. Mashina 2016-yilda 659 260 dona sotilgan. 2015-yil bilan solishtirganda, bu ko‘rsatkich 11,7 foizga kam, lekin eng ommabop sedanga aylanish uchun bu jihat xalal bermadi.

Honda Accord

Ikkinchi o‘rindan ham Yaponiya mahsuloti o‘rin oldi. Honda kompaniyasi 2016-yilda yangi Accord sedanlarining 550 520 donasini sotishga muvaffaq bo‘ldi.

Volkswagen Lavida

3-o‘rin esa olmon mashinasozlariga nasib qildi. Volkswagen kompaniyasining Lavida sedani 2016-yilda 546 809 dona sotilgan. Bu ko‘rsatkich 2015-yilga nisbatan 15,6 foizga ko‘pdir.

Volkswagen Passat

Volkswagen kompaniyasining 526 572 ta sotilgan Passat sedani ham kuchli to‘rtlikdan o‘rin olgan.

Hyundai Sonata

O‘zbekistonda ham eng ommabop mashinalardan biri bo‘lgan Hyundai Sonata sedanining jahon bo‘yicha sotuvi 2015-yilga nisbatan 15 foizga qisqarib, 382 672 mashina bilan beshlikdan o‘rin oldi.

Nissan Sylphy

Oltinchi o‘rindan Nissan Sylphy sedani o‘rin oldi. Mashina 2016-yilda 375 185 dona sotilgan.

Buick Excelle GT

Yettinchi o‘rindan Xitoyda ishlab chiqariluvchi Buick Excelle GT avtomobili o‘rin olgan. Mashina ichki bozorda xaridorgir bo‘lgan. Sedan 2016-yilda 373 307 dona sotilgan.

Chevrolet Malibu

8-o‘rinda o‘zbekistonlik avtoixlosmandlarga yaxshi tanish bo‘lgan Chevrolet Malibu’ning Amerika bozoriga mo‘ljalangan versiyasi ega chiqdi. Mazkur avtomobil 2016-yilda 364 610 dona sotilgan.

Mercedes-Benz C-Class

Maftunkor Mercedes-Benz C-Class 2016-yilda 359 760 ta sotildi va joriy reytingning 9-o‘rnida bormoqda.

Nissan Altima

10-o‘rinda – Nissan Altima. Mazkur sedan o‘tgan yili jahon bo‘ylab 334 101 dona sotildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.