GM Uzbekistan 2016 йил июль — декабрида Россияда 1811 та Ravon автомобилини сотди. Бу ҳақда Европа бизнеси ассоциацияси авто ишлаб чиқарувчилар қўмитаси маълум қилди, дея хабар беради UzDaily.
Қўмитага кўра, компания дилерлари ўтган йил декабрь ойида 799 машина сотди. Россия бозорида GM Uzbekistan улуши йил якунлари бўйича 0,1, декабрь якуни бўйича эса 0,3 фоизни ташкил этди.
2016 йил январь—ноябрь якуни бўйича компания автомобиллар сотиш ҳажми бўйича Россияда 27-ўринни эгаллади. Ҳисобот даврида GM Uzbekistan’нинг ҳеч бир модели Топ-25 қаторидан ўрин олмади.
Маълумот учун, Россияда Ravon бренди остидаги машиналар сотуви 2016 йил июлидан бошланди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)