AQShning Kubadagi Guantanamo maxsus qamog‘ida saqlanayotgan to‘rt nafar mahbus yaqin vaqt ichida Saudiya Arabistoniga topshiriladi. Bu haqda, Sky News Arabia telekanaliga asoslanib, “TASS” xabar bermoqda.
Aytilishicha, mahbuslar yaqin bir sutka ichida saudiyaliklar qo‘liga topshirilishi kutilmoqda.
AQSh prezidentligi mansabi Donald Trampga o‘tishi kutilayotgan 20-yanvarga qadar Guantanamodan to‘rt mamlakat qamoqxonalariga 19 mahbus taqsimlanishi lozim. Saudiyaga to‘rt mahbusning topshirilishi mazkur kelishuvning bir qismidir.
Kelishuvda ishtirok etadigan boshqa mamlakatlarning nomlari keltirilmayapti. Shuningdek, rasmiy ar-Riyodning prezident Obama ma’muriyatining bu qaroriga munosabati hozircha ma’lum emas.
Izoh (0)