АҚШнинг Кубадаги Гуантанамо махсус қамоғида сақланаётган тўрт нафар маҳбус яқин вақт ичида Саудия Арабистонига топширилади. Бу ҳақда, Sky News Arabia телеканалига асосланиб, «ТАСС» хабар бермоқда.
Айтилишича, маҳбуслар яқин бир сутка ичида саудияликлар қўлига топширилиши кутилмоқда.
АҚШ президентлиги мансаби Дональд Трампга ўтиши кутилаётган 20 январга қадар Гуантанамодан тўрт мамлакат қамоқхоналарига 19 маҳбус тақсимланиши лозим. Саудияга тўрт маҳбуснинг топширилиши мазкур келишувнинг бир қисмидир.
Келишувда иштирок этадиган бошқа мамлакатларнинг номлари келтирилмаяпти. Шунингдек, расмий ар-Риёднинг президент Обама маъмуриятининг бу қарорига муносабати ҳозирча маълум эмас.
Изоҳ (0)