Nigeriya xavfsizlik kuchlari mamlakat shimoli-sharqidagi qishloqlardan birida joylashgan gavjum bozorda portlash uyushtirmoqchi bo‘lgan xudkush qizlarni bartaraf etish uchun qurol qo‘llashga majbur bo‘ldi. Bu haqda “Interfaks” xabar bermoqda.
Mahalliy ma’muriyat vakiliga ko‘ra, xudkush kamarini taqqan uch qiz bozorga kirmoqchi bo‘ldi, biroq blokpostda payqab qolindi. Ularni to‘xatishga harakat qilinganida qizlar qochishga tushdi. Askarlar teraktning oldini olish uchun ularga qarata o‘q uzishga majbur bo‘ldi.
Rasmiylar terakt Nigeriyada faoliyat ko‘rsatadigan “Boko Haram” guruhi tomonidan tayyorlangan deb hisoblamoqda. Mazkur guruh teraktlar amalga oshirish uchun asosan ayollar va bolalardan foydalanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)