Остонадаги меҳмонхоналардан бирининг саунасида юз берган ёнғин туфайли 14 киши эвакуация қилинди. Бу ҳақда Kazakhstan Today хабар бермоқда.
Остона фавқулодда ҳодисалар департаментига кўра, 4 январь, чоршанба куни маҳаллий вақт билан 18:24 да Буктирма кўчасидаги 3 қаватли меҳмонхонада ёнғин чиққани ҳақида хабар берилган. Воқеа жойида иккинчи қаватда жойлашган саунанинг 25 квадрат метр майдонга эга буғхонаси ички ёғоч қопламаси аланга олгани, юқори қаватни кучли тутун қоплагани маълум бўлди.
Ёнғин қисқа муддатда ўчирилди, бошқа қаватлар ва биноларга ўтишига йўл қўйилмади. Қутқарув ишлари давомида 14 киши, жумладан, 7 нафар бола эвакуация қилинди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)