Facebook Santa Klaus ekanligini tasdiqlagan amerikalik foydalanuvchining akkauntini qaytarib berdi

Facebook ijtimoiy tarmog‘i Santa Klaus sifatida ro‘yxatdan o‘tgan amerikalik foydalanuvchining sahifasini bloklab qo‘ydi, ammo u rostanam Santa Klaus ekanligini tasdiqlaydigan hujjatlarni taqdim etgach, akkauntni qaytarib berdi. Bu haqda, AP’ga asoslanib, “TASS” xabar qilmoqda.

AQShning Nort-Pol shahrida (Alyaska shtati) istiqomat qiluvchi erkakning ismi Santa, familiyasi Klaus edi. Shu bois Facebook vakillari bu akkaunt haqqoniy ekanligidan shubhalangan va tegishli hujjatlarni so‘ragan. Bundan tashqari, Nort-Pol ingliz tilidan Shimoliy qutb deb tarjima qilinishi mumkin, bu esa ijtimoiy tarmoq vakillarining shubhasini yanada orttirgan. Klaus haydovchilik guvohnomasi nusxasini hamda Nort-Pol shahar kengashiga a’zolik hujjatlarini taqdim etganidan so‘ng muammo hal etildi.

Erkak Nort-Polda istiqomat qiluvchi yagona Santa Klaus ekanligini ta’kidladi.