“Mana, taraqqiyot qayergacha yetib bordi!”. Mirobod dehqon bozorida to‘lovlarni Payme va Click orqali qabul qiladigan savdo nuqtasi paydo bo‘ldi

Mirobod dehqon bozori rastalaridan biridagi savdo nuqtasida to‘lovlarni Payme va Click orqali qabul qiladigan savdo nuqtasi paydo bo‘ldi. Bu haqda Facebook’da fotoxabar qoldirilgan.

“Mana, taraqqiyot qayergacha yetib keldi! Hech qanday naqd pulga o‘rin yo‘q! Afsus, sotuvchini joyida topa olmadim”, — deb yozgan fotoxabar muallifi.

Suratda ko‘rsatilgan savdo nuqtasida turli uy-ro‘zg‘or buyumlari sotilmoqda. Ayni vaqtda, to‘lovlar elektron ko‘rinishda qabul qilinishi haqidagi e’lon yoniga inglizchalab “Ari suti” (“Royal jelly”) deb yozilgan va suratda sotuvga qo‘yilgan asal mahsulotlarini ham ko‘rish mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.