Taniqli aktyor Matyoqub Matchonov rejissor Iqbol Meliqo‘ziyevning “Ketaman dedimmi, ketaman” nomli filmida suratga tushmoqda. Bu haqda filmning Instagram’dagi sahifasida ma’lumot berilgan.
Film ssenariysi Jahongir Ahmedov tomonidan yozilgan. Filmda, Matyoqubov Matchonovdan tashqari, Asqar Hikmatov, Shahzoda Muhamedova, Xosiyat Husanova kabi aktyor-aktrisalar suratga tushmoqda.
https://www.instagram.com/p/BOIjSSJguqM/?taken-by=ketamandedimmiketaman
“Yoshlarbop komediya” deya ta’riflanayotgan filmning suratga olish ishlari yaqin vaqt ichida yakuniga yetishi kutilmoqda.
https://www.instagram.com/p/BOE7kUNAROW/?taken-by=ketamandedimmiketaman
Bir muddat ozodlikdan mahrum etilgan, so‘ng amnistiya sabab ozodlikka chiqqan aktyor Matyoqub Matchonov avvalroq bergan intervyusida “Jahongir Ahmedov bilan hamkorlikda suratga olinayotgan filmni yakunlashimiz kerak”, deb aytgan edi.
Bundan avvalroq esa rejissor Jahongir Ahmedov “Supraqoqdi” nomli “super-komediya” suratga olayotgani, filmda bosh rollarni Matyoqub Matchonov va Ra’no Yarasheva ijro etishi haqida axborot bergan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)