OXUS Culture hamda MUUILMAMUUSIKA tashkilotlari tomonidan amalga oshirilgan loyiha doirasida, qoraqalpog‘istonlik jirov Salamat Ayapov va baxshi Gulistan Temirxanovalar Estoniyaga ijodiy safar uyushtirdi. Bu haqda OXUS Culture vakillari “Daryo”ga ma’lum qildi.
Ijodiy safar davomida Estoniyaning Tallin, Tartu, Ottepaye, Pyarnu, Antsla, Kurasara, Xyuma, Viru, Kaina, Tapa, Vilyandi shaharlarida 11 ta konsert hamda, tomoshabinlarning talablariga binoan, Tallin shahrida yana ikkita qo‘shimcha konsert berildi.
Konsert dasturida qoraqalpog‘istonlik san’atkorlar bilan birgalikda mahalliy ijodkorlar ham ishtirok etdi va o‘zbek xalq ertaklari, afsonalarini eston tilida tomoshabinlarga ijro etib berdi.
Dasturdan so‘ng odatiy ravishda suhbatlar uyushtirildi va nafaqat xalq musiqiy me’rosi va an’analari, balki umuman madaniyat, san’at va ijtimoiy hayot haqida ma’lumotlar berildi.
OXUS Culture va MUUILMAMUUSIKA tashkilotlari tomonidan 2017-yilning mart oyida “Manzur” guruhining ijodiy safarlarini uyushtirish rejalashtirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)